Xaverts "Arsenal" uchun qachon tibbiy ko'rikdan o'tishi ma'lum bo'ldi

"Chelsi"ning hujumkor yarim himoyachisi Kay Xaverts Londonnng boshqa klubi - "Arsenal"ga o'tishga yaqin turibdi.

Sky Sports nashri xabariga ko'ra, germaniyalik futbolchi tibbiy ko'rikdan o'tadi va kelayotgan dam olish kunlari "kanonirlar" bilan shartnoma imzolaydi.

Potentsial bitim summasi 65 million funtga baholanmoqda. Bu taxminan 75 million evro. Xavertsning "Arsenal" bilan shartnomasi 2028 yilning o'rtalariga qadar amal qiladi.

O'tgan mavsumda Kay barcha turnirlarda "ko'klar" safida 47 ta jangda qatnashgan. Yarim himoyachi 9 ta gol urdi va bitta golli uzatmani amalga oshirdi.