Manba: «Real» va «PSJ» rekord summaga Mbappening transferi bo'yicha kelishuvga erishishdi

Kilian Mbappe yaqin orada «Real» safiga o'tadi. Madridliklar 24 yoshli futbolchining transferi bo'yicha «PSJ» bilan kelishuvga erishishdi, deya xabar tarqatdi "PSG Community".

«PSJ» xo'jayini Tamim bin Hamad ol-Soniy «Real» prezidenti Florentino Peres bilan suhbatlashgach, o'yinchini sotishga rozilik berdi.

Transferning umumiy summasi 250 million evroga teng bo'ladi. "Qirollik klubi" 200 million evroni darhol to'lab beradi. Qolgan 50 million esa o'yinchining natijalari, jumladan, "Oltin to'p"ni qo'lga kiritishidan kelib chiqib bonus sifatida to'lanadi.

Eslatib o'tamiz, Mbappe «PSJ» bilan amaldagi shartnomani uzaytirmasligini ma'lum qilib bo'lgan. Kilian Frantsiya chempionatining joriy mavsumida 34 o'yinda maydonga tushi, 29 gol va 5 assist muallifiga aylangan.