Feliksga APLning ikki klubi qiziqish bildirmoqda

Madridning “Atletiko” klubi hujumchisi Joau Feliks Angliya Premer-ligasining ikki klubi nishoniga tushgan.

Eslatib o'tamiz, 2022/23 yilgi mavsumning ikkinchi yarmida portugaliyalik futbolchi "Chelsi" safida ijara asosida o'ynagan va Angliya chempionatida to'rtta gol urgan edi.

Onda Cero nashri xabariga ko'ra, Feliks xizmatlariga "Tottenxem" va "Aston Villa" qiziqish bildirmoqda. "Atletiko" o'z hujumchisini 100 million evroga baholamoqda. Shunga qaramay, Joau boshqa ijaraga ketishi mumkin. Feliks "Atletiko"da qolishni istamayapti, futbolchining Simeone bilan munosabatlari keskin yomonlashgan.