"PSV" futbolchisiga APL klublari da'vo qilmoqda. Ammo ularni "PSJ" osonlik bilan enga oladi

"PSV" hujumchisi APLdan takliflarga ega. Xabarlarga ko'ra, "Arsenal", "MYu" va "Tottenxem" niderlandiyalik hujumchi Xavi Simonsga da'vogarlik qiladi. 20 yoshli vinger o'tgan mavsumda 22 ta golga mualliflik qilgan.

Uning "PSV" bilan tuzgan bitimida maxsus band bor. "PSJ" Simonsni sotishidan oldin shartnomaga 6 million evrolik qayta sotib olish shartini ham qo'shgan. Ammo bu band 1 iyuldan keyin ishga tushadi. Shu sabab 10 kun ichida APL klublari Simons uchun jiddiy taklif bilan chiqishlari kerak.