"Tottenxem"ga u uchun 60 million evro taklif qilinadi

"Tottenxem" yulduzi uchun arablar ovga chiqqan. Xabarlarga ko'ra, "shporlar" hujumchisi Son Xyon Minga Saudiya Arabistonining "Al-Ittihod" klubi dastlabki taklif bilan chiqadi.

Son uchun 60 million evro berilishi aytilgan. Saudiya klubi koreyalik futbolchiga 4 yillik shartnoma va yiliga 30 million evro maosh taklif qiladi.

30 yoshli futbolchi Kante va Benzemadan keyin Arabistonga yo'l olgan yulduzga aylanishi mumkin. Uning London klubi bilan tuzgan amaldagi shartnomasi 2025 yilda yakunlanadi.