«Napoli» yaqin vaqt ichida Irving Losano transferini e'lon qiladi

PSV yarim himoyachisi Irving Losano “Napoli”ga o'tishga yaqin turibdi.

Janluka Di Martsio saytining xabar berishicha, klublar 23 yoshli futbolchining transferi borasida kelishuvga erishishgan.

Neapoliklar meksikalik futbolchi uchun 50 mln evro to'lashadi, futbolchining maoshi 4,5 mln evroni tashkil qildi. Ushbu transfer yaqin vaqt ichida rasman e'lon qilishi kutilmoqda.

Ma'lumot o'rnida, Losano joriy mavsum 30 ta o'yinda maydonga tushib, 17 ta gol va 12 ta golga hammualifflik qildi.