Martin Edegor: "Bugungi raqibga qoyil qolish kerak"

Norvegiya terma jamoasi sardori Martin Edegor Shotlandiyaga uchralgan mag'lubiyatdan keyin fikr bildirdi. "Arsenal" yarim himoyachisi shunday deydi:

"Hozir xulosa yasash biz uchun juda og'ir ish. Biz o'yin tugashiga bir necha daqiqa qolganida g'alaba qozonayotgan edik. Undan keyin bo'lgan voqealar esa yuz bermasligi kerak edi.

Endi saralashdan o'tish imkonsiz ishga aylandi. Bugun raqib bizdan yaxshi o'ynamadi. Ammo ularning oxirigacha kurashish qobiliyati bor edi. Bu uchun ularga qoyil qolish kerak".