"Arsenal" tezroq harakat qilmasa, og'zidagi oshini oldirib qo'yishi mumkin

Fabritsio Romano Deklan Rays transferi borasida yangi ma'lumotlarni taqdim etdi. Unga ko'ra, futbolchi APLda qolmochi. U Londonda faoliyatini davom ettirmoqchi va bunda "Arsenal"ni yaxshi manzil deb biladi. 24 yoshli yarim himoyachi vaziyatidan "Bavariya" ham yaxshi xabardor.

Ammo Raysning o'zi Germaniyaga bormoqchi emas. Shuningdek, istalgan daqiqada "Manchester Siti" xaridga aralashishi mumkin. Shu sababli Mikel Arteta va "Arsenal" Rays bilan kelishuvga erishishni tezlatmoqchi.