O'rtoqlik uchrashuvi. Polsha - Germaniya — 1-0: "Arsenal" himoyachisining yagona goli bahs taqdirini hal qildi

"Arsenal"  himoyachisi Yakub Kiviyor Germaniya bilan bo'lgan o'rtoqlik uchrashuvida yagona golga mualliflik qildi. Polsha poytaxti Varshava shahrida bo'lib o'tgan o'yinda mezbonlar zafar quchdi.

Germaniya raqib darvozasi tomon 26 ta zarba yo'llagan bo'lsa ham, gol urishga erisha olmagan edi. Ushbu bahsda, shuningdek, Polshaning faxriy hujumchisi Yakub Blashikovski terma jamoadagi faoliyatiga yakun yasadi.

37 yoshli futbolchi 109 ta bahsda polshaliklar sharafini himoya qilgan edi. Shuni ham qayd etib o'tish kerakki, uchrashuvda yagona bo'lgan goli muallifi "Arsenal" vakili sanaladi va u terma jamoada ilk marta gol urdi.