"Arsenal" "Manchester Siti" tarbiyalanuvchisini xarid qilmoqchi

"Arsenal" yarim himoyachi xarid qiladi. Xabarlarga ko'ra, "Sautgempton" futbolchisi Romeo Laviya to'pchilar radarida turibdi.

19 yoshli iqtidor o'tgan yili yozda "Manchester Siti"dan 14 million funtga xarid qilingan. "Sautgempton" Chempionshipga tushib ketgani sabab asosiy tarkib futbolchilarini sotishga majbur bo'ladi.

Laviya o'tgan mavsumda 29 ta APL bahsida maydonga tushirilgan bo'lib, 1 ta golga mualliflik qilgan. Unga "MYu" va "Chelsi" ham da'vogar sanaladi.