"Milan" "Latsio" futbolchisini tekinga qo'lga kiritishi mumkin

Rimning "Latsio"sida klubida o'ynayotgan Argentina yoshlar terma jamoasining hujumkor yarim himoyachisi Luka Romero faoliyatini Italiya chempionatining boshqa klubida davom ettirishi mumkin.

Jurnalist Fabritsio Romano xabariga ko'ra, 18 yoshli futbolchiga "Milan" qiziqmoqda. "Rossonerilar" futbolchini tekinga olishi mumkin, chunki uning rimliklar bilan shartnomasi shu yozda tugaydi.

Romero Italiya chempionatida o'tgan mavsumda "Latsio" tarkibida oltita o'yinda maydonga tushdi. Yarim himoyachi bitta gol urishga erishdi.