"Chelsi" o'z futbolchisini "Arsenal"ga sotishdan bosh tortdi

"Chelsi" hujumchisi Kay Xaverts Evropaning eng kuchli klublari e'tiborini tortmoqda.

Jurnalist Ben Jeykobsning xbariga ko'ra, "Arsenal" "ko'klar"ga germaniyalik futbolchini sotib olish taklifi bilan chiqqan va Kay uchun 40 million funt taklif qilgan. Xabarlarga ko'ra, "Chelsi" rahbariyati taklifni rad etgan.

Kay Xaverts 2020 yil sentyabr oyidan buyon "ko'klar" safida o'ynab kelmoqda, London klubi bilan Chempionlar ligasida g'olib chiqqan. Transfermarkt portali 24 yoshli hujumchining narxini 60 million evroga baholamoqda.