Zaxa "An-Nasr" taklifiga rad javob berishi mumkin

Hujumchi Uilfrid Zaxa "An-Nasr"ga o'tishni rad etishi mumkin. Bu haqda The Guardian nashri xabar bermoqda.

Krishtianu Ronaldu o'ynayotgan "An-Nasr" klubi Zaxaga yiliga 30 million funt taklif qilgan, biroq 30 yoshli futbolchi Evropada qolmoqchi.

Uilfrid Zaxa bir necha haftadan so'ng erkin agentga aylanadi, uning "Kristal Pelas" bilan shartnomasi iyun oyi oxirigacha amal qiladi.

Eslatib o'tamiz, 2022/2023 yilgi mavsumda Zaxa "Kristal Pelas" safida 28 ta o'yinda maydonga tushgan. Ularda hujumchi ettita gol urdi va sheriklariga uchta samarali uzatma berdi.