"Chelsi" Nkunkuning transferini qachon e'lon qilishi ma'lum bo'ldi

"Chelsi" "Leyptsig" hujumchisi Kristofer Nkunku bilan shartnoma imzolaganini qachon e'lon qilmoqchiligi ma'lum bo'ldi.

Jurnalist Fabritsio Romanoning yozishicha, "ko'klar" Nkunku mavsumdagi so'nggi o'yinini Frantsiya tarkibida o'tkazgandan so'ng, 19 iyun kuni e'lon qilishadi.

Manbaning ta'kidlashicha, Kristofer sentyabr oyida "Chelsi"ga o'tish uchun tibbiy ko'rikdan o'tgan. Frantsiyalik futbolchi dekabr oyida jahon chempionati boshlanishidan oldin olgan jarohatini davolagan paytda shartnomaga imzo chekkan edi.

Nkunkuning "Chelsi"ga o'tishi 60 million evroni tashkil qiladi.