"Real" Xavertsning transferidan voz kechdi

Madridning "Real" klubi "Chelsi" hujumchisi Kay Xaverts xizmatidan voz kechdi. Jurnalist Fabritsio Romanoning yozishicha, "Qirollik klubi" talab qilinadigan 80 million evroni to'lamoqchi emas.

Biroq, manbaning qo'shimcha qilishicha, vaziyat tez orada o'zgarishi mumkin, "Chelsi" Xavertsning narxini pasaytirishga rozi bo'ladi. Eslatib o'tamiz, Kayning o'zi avvalroq "Qirollik klubi"ga o'tish istagini bildirgan edi.

Avval xabar qilinganidek, Xavertsni "Real" Karim Benzema o'rniga nomzod sifatida ko'rmaydi. Rahbariyat germaniyalik futbolchini juda mehnatkash, hujumda bir vaqtning o'zida bir nechta pozitsiyalarni yopishga qodir yosh futbolchi deb hisoblaydi.