"Real" Frantsiya chempionatidan hujumchi topdi

Madridning "Real" klubi Saudiya Arabistoniga jo'nab ketgan frantsiyalik Karim Benzema o'rniga yangi markaziy hujumchi izlashda davom etmoqda.

Tuttomercatoweb nashri ma'lum qilishicha, Frantsiya chempionatining eng yaxshi to'purarlaridan biri, "Lill" hujumchisi Jonatan Devid "Qirollik klubi" e'tiboriga tushgan. "Real Madrid" kanadalik futbolchini ustuvor variant sifatida qaralayotgan Xarri Keynga muqobil sifatida ko'rmoqda.

Devid "Lill" bilan 2025 yilning yoziga qadar shartnoma imzolangan, uning transfer narxi 60 million evro. Hujumchi o'tgan mavsumda Liga 1da 37 ta o'yinda maydonga tushib, 24 ta gol urdi va 4 ta golli uzatmani amalga oshirdi.