"Barselona" Karrasko uchun 40 million evro sarflaydi, agar...

"Barselona" hujumning chap qanotiga yangi vinger sotib olmoqchi. Jurnalist Gabriel Sansning fikriga ko'ra, agar "ko'k-anorranglilar" Ferran Torresni kamida 40 million evroga sotishga muvaffaq bo'lsalar, tushgan mablag' yangi chap qanot vingeri transferiga yo'naltiriladi. Manbaning ta'kidlashicha, Xavi Ernandes jamoasi uchun variantlardan biri "Atletiko" futbolchisi Yannik Karrasko.

Shuningdek, Sans Karrasko "Barselona" uchun ustuvor vazifa hisoblanmasligini ta'kidlamoqda. Agar jamoa o'ziga munosibroq nomzodni qo'lga kirita olmasa, kataloniyaliklar 29 yoshli belgiyalik futbolchining transferiga qaratadi.

Eslatib o'tamiz, Torres "Barselona"ga 2022 yilning yanvarida "Manchester Siti"dan 55 million evro evaziga o'tgan edi.