Arablarni to'xtatib bo'lmayapti: Endi ular Maneni o'z safiga qo'shib olmoqchi

Myunxenning “Bavariya” klubi hujumchisi Sadio Mane Saudiya Arabistoni klublarining transfer maqsadi hisoblanadi. Jurnalist Florian Plettenbergning yozishicha, mahalliy klublar senegallik futbolchini taklif qilishga jiddiy qiziqish bildirmoqda.

Manbaning ta'kidlashicha, "Bavariya" va Manening o'ziga hozircha hech qanday rasmiy transfer taklifi olmagan. Oldinroq Sadio "Bavariya"da yana kamida bir mavsum qolishni istayotgani haqida o'z pozitsiyasini bildirgandi. Agar Mane yozda Saudiya Arabistoniga o'tmaslikka qaror qilsa, mahalliy klublar uni bir yildan keyin qo'lga kiritishga harakat qilishadi.

Mane Germaniya Bundesligasida debyut mavsumini 25 uchrashuvda 7 gol va 5 golli uzatma bilan yakunladi.