Jud Bellingem «Real» tarixidagi eng qimmat xarid bo'ldi

“Borussiya D”dan “Real”ga o'tgan Jud Bellingem futbol tarixidagi eng qimmat narxga sotilgan angliyalik futbolchiga aylandi.

Nemis klubi bonuslar bilan hisoblaganda transferdan 115 million funt (134 million evro) ishlab oladi.

Shu tariqa Bellingemning transferi Angliya futbolchilari orasida Jek Grilishning (“Aston Villa”dan “Manchester Siti”ga 100 million funt) rekordini yangiladi. Keyingi o'rinlarda “Manchester Yunayted”ning xaridlari Harri Maguayr (80 mln funt) va Jeydon Sancho (73 mln funt) joy olgan.

Umumiy olganda Bellingem futbol tarixidagi eng qimmat 5-futbolchi bo'ldi. Faqat Neymar (222 mln evro), Kilian Mbappe (180 mln evro), Usmon Dembele (140 mln evro) va Filippe Koutino (135 mln evro) undan qimmatga sotilgan.

Jud “Real” tarixidagi eng qimmatga sotib olingan futbolchiga aylandi. “Borussiya D”ning esa Usmon Dembeledan (140 mln evro) keyingi eng qimmat sotuviga aylandi.

“Real”ning eng qimmat xaridlari:

1. Jud Bellingem (“Borussiya”dan) — 134 million evro
2. Eden Azar (“Chelsi”dan) — 115 mln evro
3. Garet Beyl (“Tottenhem”dan) — 101 mln evro
4. Krishtianu Ronaldu (“Manchester Yunayted”dan) — 94 mln evro
5. Orelen Tchuameni (“Monako”dan) — 80 mln evro
6. Zinedin Zidan (“Yuventus”dan) — 77,5 mln evro
7. Xames (“Monako”dan) — 75 mln evro
8. Kaka (“Milan”dan) — 67 mln evro
9. Luka Yovich (“Ayntraxt”dan) — 63 mln evro
10. Luish Figu (“Barselona”dan) — 60 mln evro.