Albaga to'rtta klub da'vogarlik qilmoqda

Todofichajes nashri xabariga ko'ra, 2022/2023 yilgi mavsum oxirida "Barselona"ni tark etgan himoyachi Jordi Albaga bir nechta klublar qiziqish bildirmoqda.

Manbaning yozishicha, 34 yoshli futbolchi bilan Evropaning uchta klubi qiziqish bildirmoqda. Gap "Inter", "Atletiko Madrid" va "Benfika" klublari haqida ketmoqda.

Qolaversa, manba Albani Saudiya Arabistoni chempionatiga o'tishi mumkinligi haqida ham yozmoqda. Ispaniyalik futbolchiga Lionel Messining transferiga yaqin turgan "Al-Hilol" klubi qiziqish bildirmoqda.

Jordi "Barselona"da 2012 yildan buyon o'ynab kelmoqda. Yakunlangan mavsumda u "ko'k-anorranglilar" bilan birga Ispaniya chempioniga aylandi.