«Real» 100 million evroga futbolchi xarid qilishga yaqin turibdi

Dortmundning «Borussiya» klubi hujumchisi Jud Bellingem «Real»ga o'tishga yaqin turibdi.

Fabritsio Romano tarqatgan xabarga ko'ra, klublar o'rtasidagi muzokara yakunlashiga yaqin turibdi. «Real» Bellingem uchun 100 million evro to'laydi. Shuningdek, transfer shartnomasida qo'shimcha bonuslar ham ko'zda tutiladi. Bellingem «Madrid» bilan 6 yillik shartnoma imzolashi kutilmoqda.

Eslatib o'tamiz, angliyalik futbolchiga «Manchester Siti» va «Liverpul» klublari ham da'vogarlik qilmoqda. 19 yoshli Judning transferi 120 million evroga baholangan. U ayni paytda Angliyaning eng qimmat o'yinchisi hisoblanadi.