"Bavariya" himoyachisiga Evropaning top-klublari xaridor bo'lishmoqda

"Bavariya" himoyachisi Benjamen Pavar faoliyatini boshqa klubda davom ettirishi mumkin.

Kicker nashri xabariga ko'ra, 27 yoshli futbolchining kelajagi haqida aniqlik yo'q.

Uning shartnomasi 2024 yilgacha mo'ljallangan va "Bavariya" futbolchini o'zida saqlab qolmoqchi. Agar tomonlar shartnomani uzaytirish borasida kelisha olmasalar, bu yozda myunxenliklar futbolchini sotish imkoniyatga ega bo'lishadi.

Pavarga bir qancha klublar qiziqish bildirmoqda: "Inter" qishda taklif bilan chiqqan, "Barselona" ham himoyachini kuzatib bormoqda. Yaqinda Benjaminning transferi bo'yicha ilk so'rovlarni "Real" va "Manchester Yunayted" yubordi. “Liverpul” ham futbolchiga befarq emas.

Hozir Pavar bor e'tiborini Bundesligadagi so'nggi o'yinga qaratgan. U kelajagi haqida mavsum oxirida qaror qabul qiladi.