"Barselona" Busketsning o'rniga futbolchi qidirmoqda. Nishonda 7 nafar futbolchi bor

"Barselona"ning yozgi transfer bozoridagi maqsadlaridan biri Serxio Busketsning o'rniga yarim himoyachi sotib olish.

Jurnalist Jerar Romeroning xabar berishicha, Kataloniya klubi 7 nafar nomzoddan iborat ro'yxatni tuzgan. Ushbu ro'yxatga quyidagi futbolchilar kiradi:

Martin Subimendi (“Real Sosedad”), Gido Rodriges (“Betis”), Artur Vermiren (“Antverpen”), Ruben Nevesh (“Vulverxempton”), Sofyan Amrabat (“Fiorentina”), N’Golo Kante (“Chelsi”) va Oriol Romeu (“Jirona”).

E'tiborli tomoni, jamoa bosh murabbiyi Xavi Ernandes yaqinda bo'lib o'tgan matbuot anjumanlarining birida Subimendining transferini yuqori baholagandi.