Mbappe bir shartga ko'nsa, «Real» u bilan shartnoma imzolaydi

"Real" hamon "PSJ" hujumchisi Kilian Mbappe bo'lgan qiziqishni ushlab turibdi.

Frantsiyalik futbolchi bir shartga ko'nsa, "Qirollik klubi" u bilan shartnoma imzolashi mumkin. Ma'lumotlarga qaraganda, Mbappe "Santyago Bernabeu"ga ko'chib o'tish uchun maosh bilan bog'liq talabini pasaytirishi kerak. "Real" 24 yoshli futbolchi uchun "PSJ" hozir unga to'layotgan maoshni berishga tayyor emas.

Eslatib o'tamiz, Mbappe 2022 yilning yozida erkin agent sifatida "Madrid"ga ko'chib o'tishi kerak edi. Ammo u yuqori maosh evaziga parijliklar bilan 2 yillik yangi shartnoma imzolashga qaror qildi.