"Chelsi" EChLga chiqa olmagani sababli Osimxenni o'z safiga qo'shib ololmasligi mumkin

"Chelsi" "Napoli" markaziy hujumchisi Viktor Osimxenni qo'lga kiritish uchun kurashda davom etmoqda, deb xabar bermoqda Marca nashri.

Biroq, bu transfer yo'lida to'siqlar mavjud. Birinchidan, buni "Chelsi"ning navbatdagi Chempionlar ligasiga chiqa olmagani, shuningdek, "Napoli" nigeriyalik futbolchi uchun talab qilayotgan mablag' 150 million evro vaziyatni ancha murakkablashtirmoqda. Bundan tashqari, londonliklar o'z maoshlarini kamaytirishlari kerak.

Yaqinda "Chelsi"ning bo'lajak bosh murabbiyi Maurisio Pochettino Osimxenni o'z jamoasi safiga qo'shib olmoqchi ekanligi haqida ma'lumotlar paydo bo'ldi. "Napoli" forvardiga "PSJ", "Manchester Yunayted" va "Bavariya" ham da'vogarlik qilmoqda.