"Brayton" futbolchisi yozda jamoani tark etishga qaror qildi

Jurnalist Fabritsio Romanoning xabar berishicha, "Brayton" yarim himoyachisi Moyses Kaysedo yozda o'zining hozirgi jamoasini tark etadi.

Oldinroq 21 yoshli ekvadorlik futbolchiga "Arsenal" va "Liverpul" klublari qiziqish bildirayotgani xabar qilingandi. Kaysedoning "Brayton" bilan amaldagi shartnomasi 2027 yilning yoziga qadar tuzilgan. Transfermarkt portali himoyachini 55 million evroga baholamoqda.

Kaysedo joriy mavsumda “Brayton” safida 41 ta o'yinda maydonga tushib, 1 ta gol va 1 ta golli uzatmani amalga oshirgan. Futbolchi 2021 yilning fevral oyidan buyon ingliz klubi sharafini himoya qilib kelmoqda. Avvalroq u Ekvadorning "Independente" klubida o'ynagan.