"Arsenal" futbolchisiga ko'plab takliflar bor

Londonning "Arsenal" klubi yarim himoyachisi Reyss Nelson faoliyatini davom ettirish imkoniyatlari haqida o'ylashda davom etmoqda.

Jurnalist Fabritsio Romanoning xabar berishicha, "kanonirlar" futbolchiga muddati tugaydigan shartnomasini uzaytirish bo'yicha yana bir taklif yuborgan. Mikel Arteta jamoasi angliyalik futbolchiga uzoq muddatli shartnoma taklif qilmoqda.

Shu bilan birga, Nelsonga Angliya Premer-ligasining boshqa klublari ham qiziqish bildirmoqda. Italiya A Seriyasi va Frantsiya chempionati jamoalari ham futbolchiga xaridor bo'lishmoqda. Reyss hali ham "Arsenal"ni tark etish variantiga intilmoqda, chunki u barqaror o'yin amaliyotiga ega bo'lishni xohlaydi.