"Chelsi" Vlaxovich uchun qancha to'lamoqchi ekanligi ma'lum bo'ldi

"Yuventus" hujumchisi Dushan Vlaxovich yozda "Chelsi"ga o'tishi mumkin.

ESPN jurnalisti Julien Lourensning ma'lum qilishicha, London klubi allaqachon "Yuventus"ga 23 yoshli serbiyalik hujumchining transferi bo'yicha rasmiy taklif yuborgan.

Manbaga ko'ra, "Chelsi" Vlaxovich uchun 80 million evro to'lashga tayyor. Avvalroq futbolchining xizmatlariga "Bavariya" va "Atletiko" klublari ham qiziqish bildirayotgani xabar qilingandi.

Vlaxovich joriy mavsumda barcha musobaqalarda 41 ta o'yinda maydonga tushib, 14 ta gol urdi va 4 ta golga assistentlik qildi. Futbolchining "Yuventus" bilan amaldagi shartnomasi 2026 yilning yoziga qadar tuzilgan.