"Real" Mbappeni qachon o'z safiga qo'shib olmoqchi ekanligi ma'lum bo'ldi

"PSJ" hujumchisi Kilian Mbappe "Real"ning transferlar ro'yxatida qolmoqda.

Bernabeu Digital nashri xabariga ko'ra, 24 yoshli frantsiyalik hujumchi "qirollik klubi"ning kelasi yozdagi asosiy maqsadi bo'ladi.

Ispan grandining fikricha, parijliklar Mbappeni shu yilning yozida sotishlari dargumon va shuning uchun uning transferini kelasi yili rejalashtirgan. "Real Madrid" o'tgan mavsum oxirida Kilianni qo'lga kiritishga yaqin edi, ammo keyin hujumchi "PSJ" bilan shartnomani 2025 yilgacha uzaytirishga qaror qildi.

Joriy mavsumda Mbappe Parij klubi safida 40ta o'yinda maydonga tushib, 38ta gol va 8ta golga assistentlik qilgan.