"Liverpul" yozda o'z futbolchisini sotishi mumkin

"Liverpul" himoyachisi Jo Gomes yozda Yurgen Klopp jamoasini tark etishi mumkin.

Give me sport nashri xabariga ko'ra, "mersisaydliklar" ingliz futbolchisiga jozibador taklif tushsa, uni sotishga rozi bo'ladi.

Qayd etilishicha, Gomesh sotilsa, “Liverpul” himoyachiga o'rinbosar topishga harakat qiladi. Avvalroq "mersisaydliklar" 100 million evroga baholangan "Leyptsig" himoyachisi Yoshko Gvardiolni sotib olish niyatida edi.

Eslatib o'tamiz, Jo Gomes "Charlton"dan ko'chib o'tgan 2015 yildan beri "Liverpul"da o'ynab kelmoqda. 25 yoshli ingliz futbolchisi "qizillar" bilan barcha mumkin bo'lgan sovrinlarni qo'lga kiritdi.