"Milan" hujumchisiga Turkiyaning uchta klubi qiziqish bildirmoqda

"Milan" hujumchisi Divok Origi faoliyatini Turkiya chempionatida davom ettirishi mumkin, deb xabar beradi Calciomercato nashri.

Manbaga ko'ra, 28 yoshli belgiyalik futbolchiga "Beshiktosh", "Fenerbaxche" va "Alanyaspor" klublari qiziqish bildirmoqda.

Oldinroq Italiya klubi yozda futbolchini 15 million evroga sotishga tayyorligi haqida xabar berilgandi.

Origi “Milan”ga 2022 yilning iyul oyida tekinga kelib qo'shilgan, u avvalroq “Liverpul”da o'ynagan. 2022/23-yilgi mavsumda hujumchi “rossonerilar” safida 35 ta o'yinda maydonga tushib, 2 ta gol urdi va 1 ta golli uzatmani amalga oshirdi.

Transfermarkt portali futbolchini 8 million evroga baholamoqda.