"Napoli" yaponiyalik futbolchiga qiziqish bildirmoqda

"Napoli" "Real Sosedad" yarim himoyachisi Takefusa Kuboga qiziqmoqda, deya xabar bermoqda jurnalist Nikolo Skira.

Manba bergan xabarga ko'ra, Italiya klubi 21 yoshli yaponiyalik futbolchini kuzatib bormoqda va yozgi transfer oynasida futbolchini sotib olish imkoniyatini ko'rib chiqmoqda. Futbolchi uchun Ispaniya va Angliya chempionatlari klublari ham qiziqish bildirishmoqda.

2022/23 yilgi mavsumda Kubo "Real Sosedad" safida barcha musobaqalarda 40 ta o'yinda maydonga tushib, 8 ta gol urdi va 8 ta golli uzatmani amalga oshirdi.