Argentinalik 17 yoshli futbolchiga Evropaning grand jamoalari qiziqish bildirmoqda

Defensa Central nashri xabariga ko'ra, Evropaning bir qator top-klublari "River Pleyt" yarim himoyachisi Klaudio Echeverriga qiziqish bildirmoqda.

Ular orasida "Milan", "Real", "Manchester Siti", "Inter" va "PSJ" klublari bor.

TyC Sports nashri xabariga ko'ra, futbolchining narxi 21 million evroni tashkil qiladi, ammo "River Pleyt" o'yinchi bilan yangi shartnoma imzolamoqchi, tovon puli kamida 25 million evro bo'lishi kutilmoqda.

17 yoshli argentinalik futbolchining amaldagi shartnomasi 2025 yil oxirida yakuniga etadi.

2022 yilning mart oyida Echeverri Argentina U-17 terma jamoasida debyut qildi, shundan buyon u 14 uchrashuvda 7 ta gol urdi. Klaudio hali "River Pleyt"ning asosiy jamoasida debyut qilgani yo'q.