Ten Xag Eriksenga raqobatchi olib kelmoqchi

"Manchester Yunayted" bosh murabbiyi Erik ten Xag o'z jamoasida Kristian Eriksen bilan raqobatlashadigan yana bir yarim himoyachini ko'rmoqchi. Bu haqda ijtimoiy tarmoqlarda jurnalist Rob Douson xabar berdi.

“Qizil iblislar” ustozi kelasi mavsumda sovrinlar uchun kurashish uchun jamoaga yana bir yarim himoyachi kerak, deb hisoblamoqda. Qishda klub jarohat olgan Eriksen o'rniga "Bavariya"dan Marsel Zabittserni ijaraga oldi, ammo "Manchester Yunayted" avstriyalik futbolchini doimiy ravishda sotib oladimi yoki yo'qmi, hozircha aniq emas.

Manbaning ta'kidlashicha, yangi yarim himoyachining transferi keyingi transfer oynasidagi mablag'lar darajasiga bog'liq bo'ladi.