Kavani Evropani tark etishi mumkin

Urugvaylik tajribali hujumchi, hozirda Ispaniya La Ligasida "Valensiya" safida o'ynayotgan Edinson Kavani Evropani tark etib, faoliyatini Janubiy Amerikada davom ettirishi mumkin, deb xabar beradi Todofichajes.

Manbaga ko'ra, 36 yoshli hujumchi xizmatlariga "Boka Xuniors" qiziqish bildirmoqda. Argentina klubi vakillari "ko'rshapalaklar" bilan to'purarning transferi bo'yicha muzokaraga kirishdi.

Kavani joriy mavsumda 22 ta o'yinda maydonga tushib, 5 ta gol va 2 ta golli uzatmaga mualliflik qilgan. Urugvaylik futbolchining "Valensiya" bilan shartnomasi 2024 yilning yoziga qadar tuzilgan.