Milnerga yana bir xaridor topildi

Yarim himoyachi Jeyms Milner yozda "Liverpul"ni tekinga tark etishi mumkin.

37 yoshli yarim himoyachiga so'nggi haftalarda "Brayton" qiziqish bildirmoqda. Biroq Milnerga yana bir Premer-liga klubi - "Lids" ham qiziqish bildirmoqda.

Daily Mail nashri xabariga ko'ra, "tovuslar" APLda qolishga muvaffaq bo'lsa, yarim himoyachi uchun kurashadi.

Aytish joizki, Jeyms Milner "Lids" bitiruvchisi. Bir vaqtlar u "tovuslar"ning asosiy jamoasida 53 ta o'yin o'tkazib, beshta gol urgan.

"Lids" hozirda Premer-liga turnir jadvalida 18-o'rinda bormoqda.