"Barselona" o'ng qanotga "Bavariya" himoyachisini olib kelmoqchi

"Barselona" yozgi transfer oynasida faol ishlamoqchi.

Kataloniya grandining vazifalaridan biri o'ng qanot himoyachisi pozitsiyasiga o'yinchini qo'lga kiritishdir. Ideal nomzod sifatida "ko'k-anorranglilar" "Bavariya"dan Nusser Mazraui variantini ko'rib chiqmoqda.

Mundo Deportivo xabariga ko'ra, 25 yoshli marokashlik futbolchi "Kamp Nou"ga o'tishga qarshi emas. Mazraui Myunxendagi o'yin amaliyotidan norozi.

Transfermarkt portali Nusser Mazrauini 28 million evroga baholamoqda. 2022/2023 yilgi mavsumda himoyachi 24 ta o'yinda maydonga tushib, bitta gol va to'rtta samarali uzatmani hamkorlariga taqdim etdi.