"Arsenal" Turkiya chempionatidan himoyachi olmoqchi

"Galatasaroy"ning o'ng qanot himoyachisi Sasha Boy Londonning "Arsenal" klubi qiziqish doirasiga tushib qoldi.

Witness nashri xabariga ko'ra, "kanonirlar" 22 yoshli himoyachini transfer bozorida mavjud bo'lgan eng yaxshi variant sifatida ko'rmoqda.

"Galatasaroy" yozda Boyni sotish uchun ochiq bo'ladi. Futbolchining o'zi Angliya Premer-ligasiga o'tishni orzu qiladi, shuning uchun u "Arsenal" taklifini mamnuniyat bilan qabul qiladi.

"Kanonirlar" bu yozda o'zlarining o'ng qanot himoyachisi pozitsiyasini mustahkamlamoqchi va Boy bilan byudjet varianti klubga qimmat o'yinchilarni sotib olish uchun pulni tejashga yordam beradi.

22 yoshli futbolchi joriy mavsum Turkiya chempionatida bir gol urdi va uchta golli uzatmani amalga oshirdi.