«Borussiya D» hujumchisi Ispaniya klubida tibbiy ko'rikdan o'tadi

Dortmundning “Borussiya” klubi hujumchisi Aleksander Isak katta ehtimol bilan faoliyatini Ispaniyada davom ettiradi.

AS nashrining ma'lumotiga qaraganda, 19 yoshli futbolchi “Real Sosedad”da tibbiy ko'rikdan o'tish uchun yo'l olgan. Agar futbolchi tibbiy ko'rikdan muvaffaqiyatli tarzda o'tsa, San-Sebastyan klubi safiga qo'shiladi. Manbaning xabar berishicha, ushb transfer 10 mln evroni tashkil qilar ekan.

Ma'lumot o'rnida, Isak o'tgan mavsum “Villem II” safida ijara asosida o'ynadi va shu vaqt ichida u 16 ta o'yinda maydonga tushdi va 13 ta gol va 6 ta golga hammualifflik qildi.