"MYu" "Napoli"ning koreyalik himoyachisini qo'lga kiritish uchun o'zgacha yo'lni tanlaydi

"Manchester Yunayted" yozgi transfer oynasida o'z tarkibini kuchaytirishni rejalashtirmoqda. "Qizil iblislar" e'tiborini Kim Min Chjega qaratmoqda. Janubiy koreyalik futbolchi "Napoli"da ajoyib mavsum o'tkazdi va yozda uni qo'lga kiritish uchun shiddatli kurash olib boriladi.

Corriere dello Sport nashri xabariga ko'ra, "Manchester Yunayted" Kimni qo'lga kiritishni rejalashtirgan. Klub 26 yoshli himoyachi uchun 60 million evro taklif qiladi. Futbolchining "Napoli" bilan tuzilgan shartnomasida tovon puli 45 million evro etib belgilangan.

"Qizil iblislar"ning fikricha, tovon pulining ko'proq taklif qilinishi "Napoli"ni darhol muzokara stoliga o'tirishga majbur qiladi.