"Bavariya" "Chelsi" darvozaboniga ko'z tikmoqda

Londonning “Chelsi” klubiga tegishli bo'lgan senegallik darvozabon Eduard Mendi faoliyatini Germaniya Bundesligasida davom ettirishi mumkin, deya xabar bermoqda Goal.com nashri.

Manbaning ma'lum qilishicha, afrikalik darvozabon xizmatlariga Myunxenning "Bavariya" klubi qiziqish bildirmoqda. Nemis top-klubi yozda Mendi uchun transfer taklifi bilan chiqishga tayyor.

Eduard 2020 yilning sentyabr oyidan buyon “Chelsi” sharafini himoya qilib kelmoqda. 31 yoshli futbolchining londonliklar bilan shartnomasi 2025 yilning o'rtalariga qadar tuzilgan. Uning transfer narxi 18 million evroga baholanmoqda.

Mendi joriy mavsumda Premer-ligada 9ta o'yin o'tkazib, 12ta gol o'tkazib yubordi.