"Yuventus" "MYu" futbolchisini o'z safiga qo'shib olmoqchi

Huquqlari "Manchester Yunayted"ga tegishli bo'lgan angliyalik hujumchi Meyson Grinvud Angliya Premer-ligasini Italiya A Seriyasiga o'zgartirishi mumkin. Bu haqda The Sun nashri xabar bermoqda.

"Yuventus" "qizil iblislar" safida futbolchining kelajagi noaniqligidan foydalanmoqchi va bu yozda Meysonni ijaraga olmoqchi.

Grinvud "Manchester Yunayted" bilan 2025 yilning o'rtalariga qadar shartnoma imzolagan. U zo'ravonlik ayblovlari tufayli jamoadan chetlashtirilgandi.

21 yoshli hujumchi joriy mavsumda APLda 18 ta o'yinda maydonga tushib, 5 ta gol va 1 ta golli uzatmaga mualliflik qilgan.