"MYu" yangi xaridlar uchun qancha mablag' ajratishi ma'lum bo'ldi

"Manchester Yunayted" bosh murabbiyi Erik ten Xag yozgi transferlar uchun qancha pul olishi ma'lum bo'ldi.

The Athletic nashrining yozishicha, rahbariyat niderlandiyalik mutaxassisga yangi transferlarni amalga oshirish uchun 115 million evro ajratadi.

Oldinroq “qizil iblislar”ning asosiy transfer maqsadlaridan biri Angliya terma jamoasi va “Tottenxem” klubi hujumchisi Xarri Keyn ekanligi ma'lum qilingandi. Uning narxi taxminan 100 mln.

APLdagi 33 uchrashuvdan so'ng "Manchester Yunayted" 63 ochko jamg'arib, turnir jadvalida to'rtinchi o'rinni egallab turibdi. "Mankunianliklar" uchinchi o'rindagi "Nyukasl"dan bir ochko ortda qolmoqda.