"Vest Xem" Raysni kamida 100 million evroga sotmoqchi
/ Kiritdi: BestMaster Ko'rilgan: 60
Londonning "Vest Xem" klubi rahbariyati yarim himoyachi Deklan Raysning transfer narxi borasida bir qarorga keldi.
ESPN nashri xabariga ko'ra, "bolg'achilar" yarim himoyachini sotishdan 114 million evro ishlab olmoqchi. Manbaning yozishicha, klub rahbariyati bu summani 100 million evrogacha tushirishi mumkin.
Angliyalik yarim himoyachiga da'vogarlar orasida quyidagi klublar bor: "Arsenal", "Liverpul", "Chelsi", "Manchester Siti" va "Manchester Yunayted".
Deklan 2017 yilning iyulidan beri "Vest Xem"da o'ynamoqda. Uning London klubi bilan shartnomasi 2024 yilning o'rtalariga qadar tuzilgan.
Deklan joriy mavsumda Premer-ligada 33 ta o'yinda maydonga tushib, 3 ta gol urdi va 2 ta golli uzatmani amalga oshirdi.
Bosh sahifaga
460