"Real" Kolo-Muani borasida "Ayntraxt"ga so'rov yubordi

Madridning “Real” klubi Frankfurtning “Ayntraxt” klubi hujumchisi Randal Kolo-Muanini sotib olmoqchi.

Jurnalist Matteo Moretto bergan ma'lumotlarga ko'ra, bir kun avval "qirollik klubi" rahbariyati futbolchining narxi borasida "burgutlar"ga murojaat qilgan.

Manbaning ta'kidlashicha, "Ayntraxt" yozda Kolo-Muanini 80 million evro evaziga qo'yib yuborishga tayyor. Ayni paytda hujumchiga “Bavariya” va “Manchester Yunayted” kabi davogarlar ham bor.

Kolo-Muani joriy mavsum Bundesligada 13 ta gol urdi va 10 ta golli uzatmani amalga oshirdi. Frantsiyalik futbolchi o'tgan yozda “Nant”dan ko'chib o'tganidan so'ng “Ayntraxt” safida debyut mavsumini o'tkazmoqda.