"Tottenxem" ham Makallister uchun kurashga qo'shildi

"Tottenxem" klubi "Brayton" yarim himoyachisi Aleksis Makallister uchun kurashga qo'shildi. Bu haqda 90 min nashri xabar bermoqda.

Eslatib o'tamiz, ayni damda "Liverpul" poygada peshqadamlik qilmoqda, ammo "Manchester Yunayted" ham transfer imkoniyatini saqlab qolgan.

Makallister avvalroq "Brayton" rahbariyatiga kelasi yozda jamoani tark etishini ma'lum qilgan edi. Qolaversa, jahon chempioni mavsum boshlanishiga tayyorgarlik ko'rish uchun transfer oynasining birinchi oyidayoq o'ziga yangi klub topmoqchi.

Makallister joriy mavsumda Premer-ligada 9 ta gol urdi va bitta golli uzatmani amalga oshirdi. 24 yoshli yarim himoyachi "chayqalar" safida to'rtinchi mavsumini o'tkazmoqda.