"Liverpul" o'z safiga ikkita yangi yarim himoyachi qo'shib olmoqchi, ulardan biri de Yong

"Liverpul" yozgi transfer oynasida jamoaning yarim himoyasini kuchaytirmoqchi. Yarim himoyachilar Frenki de Yong ("Barselona") va Aleksis Makallister ("Brayton") "mersisaydliklar" klubining nishonida, deya xabar bermoqda Sport Bible.

"Qizillar" bosh murabbiyi Yurgen Kloppning shaxsan o'zi yuqoridagi futbolchilar bilan shartnoma imzolashdan manfaatdor. "Liverpul"ning de Yong va Makallister bo'yicha bahsdagi asosiy raqibi "Manchester Yunayted" hisoblanadi.

Angliya Premer-ligasining 34-turidan so'ng "Liverpul" 59 ochko jamg'arib, turnir jadvalida beshinchi o'rinda bormoqda. “Qizillar” navbatdagi o'yinni “Brentford”ga qarshi o'tkazadi.