Ten Xag "MYu"ning hujumida Reshford-Keyn juftligini ko'rmoqchi

"Manchester Yunayted" bosh murabbiyi Erik ten Xag keyingi mavsumda hujum chizig'ida Markus Reshford va Xarri Keyn juftligini ko'rmoqchi.

The Telegraph xabariga ko'ra, niderlandiyalik mutaxassis joriy mavsum Angliya Premer-ligasida 25 ta gol urgan "Tottenxem" hujumchisi transferini talab qilmoqda.

Eslatib o'tamiz, yozda Keynning "Tottenxem" bilan shartnomasi tugashiga bir yil vaqt qoladi. Angliyalik futbolchi uyda qolishni istamoqda va "Bavariya" qiziqishlariga qaramay, boshqa chempionatga o'tish niyatida emas. "Manchester Yunayted" hozircha futbolchiga asosiy da'vogar bo'lib turibdi.