"Roma" Abraxamning narxi bo'yicha yakuniy qarorga keldi

"Roma" yozda jamoani tark etishi mumkin bo'lgan hujumchisi Temmi Abraxamning narxini e'lon qildi. Calciomercato nashri xabariga ko'ra, Rim jamoasi hujumchi uchun 40-45 million evro talab qiladi.

Abraxamning xizmatlariga Angliya Premer-ligasining ko'plab klublari qiziqish bildirmoqda. Futbolchi o'zining sobiq jamoasi "Aston Villa", shuningdek, joriy mavsumda skautlari Temmini bir necha bor kuzatgan "Manchester Yunayted" bilan bog'langan.

Eslatib o'tamiz, Abraxam 2021 yilning yozida "Chelsi"dan atigi 40 million evro evaziga "Roma"ga o'tgan edi. Joriy mavsumda Temmi Italiya chempionatida 8 ta gol urdi va 3 ta golli uzatmani amalga oshirdi.