"Liverpul" Niderlandiya chempionatida o'ynayotgan yarim himoyachini kuzatmoqda

"PSV" yarim himoyachisi Ibrohim Sangare "Liverpul" qiziqishlari doirasida qolmoqda. 90 min nashri ma'lumotlarga ko'ra, Yurgen Klopp jamoasi ivuarlik yarim himoyachini kuzatishda davom etmoqda.

Sangare "Liverpul"ning yarim himoyasini kuchaytirish variantlaridan biri. Futbolchini APLning yana ikki klubi – “Arsenal” va “Manchester Yunayted” klublari ham kuzatib bormoqda.

25 yoshli Sangare joriy mavsum Niderlandiya chempionatida 5 ta gol urdi va bitta golli uzatmani amalga oshirdi. Yarim himoyachi avvalroq Frantsiyada “Tuluza” tarkibida o'ynagan. PSV tarkibida Ibrohim uchinchi mavsumni o'tkazmoqda.